ৰীতা দত্ত ফুকন (মাজুলী)
পোৰা গাহৰী আৰু বাঁহৰ গাজ
আহকচোন অৰুণাচল প্ৰদেশৰ বাঁহৰ গাজৰ সৈতে পোৰা গাহৰি (Smoked Pork)ৰ মাংসৰ জুতি লও । ।
*সামগ্ৰীসমূহ:*
১/ পোৰা গাহৰিৰ পেট বা কঁকাল
২) বাঁহৰ গাজ (সতেজ বা কিম্বন কৰা)
৩/ আদা
৪/ নহৰু
৫/ সেউজীয়া জলকীয়া
৬/ নিমখ
৭) পানী
৮) তেল (সৰিয়হৰ তেল বেছি ভাল)
**ৰেচিপি:**
১) কিছু পুৰঠ বাঁহৰ গাজ ব্যৱহাৰ কৰিলে খোলাবোৰ এৰুৱাই সৰু সৰুকৈ কাটি লওক । কোমল বাঁহৰ গাজ ব্যৱহাৰ কৰিলে ভালকৈ ধুই পেলাব যাতে তাত থকা অতিৰিক্ত লৱণাক্ততা নোহোৱা হয়।
২) পোৰা গাহৰিৰ মাংসখিনি একামোৰৰ আকাৰৰ টুকুৰা কৰি লওক।
৩) আদা, নহৰু, আৰু সেউজীয়া মৰিচা একেলগে থেতেলিয়াই মোটা পেষ্ট তৈয়াৰ কৰক।
৪) কেৰাহীত তেল গৰম কৰক। আদা-হালধি-মৰিচাৰ পেষ্ট দি সুগন্ধি হোৱালৈকে ভাজিব।
৫) পোৰা গাহৰিৰ মাংসৰ টুকুৰাবোৰ তাত দি লৰাই লৰাই ৰঙা হোৱালৈকে ভাজিব।
৬) এইবাৰ তাতে বাঁহৰ গাজখিনি দি মাংসখিনিৰ লগত ভালদৰে মিহলাই লওক।
৭) মাংস আৰু বাঁহৰ গাজখিনি ঢাক খোৱাকৈ পানী দিয়ক।
৮) ৰুচি অনুসৰি নিমখ দিয়ক।
৯) ঢাকোন দি সিদ্ধ হোৱালৈকে কম জুইত ৰাখক ।
১০) সিদ্ধ হোৱাৰ পিছত ঢাকনিখন আঁতৰাই কেইমিনিটমান তৰকাৰীখিনি উতলিবলৈ দিব যাতে গ্ৰেভি ডাঠ হয়।
১১) নিজৰ ৰুচি মতে মচলাৰ পৰিমান নিৰ্ণয় কৰক ।
১২) ভাপত দিয়া ভাত বা পৰম্পৰাগত চাউলৰ পিঠাৰ লগত গৰমে গৰমে পৰিবেশন কৰক।
এই খাদ্যই অৰুণাচল প্ৰদেশৰ অনন্য সোৱাদৰ প্ৰতিনিধিত্ব কৰে, সঁচাকৈয়ে ই এক আন্তৰস্পৰ্শী আৰু সন্তুষ্টিদায়ক খাদ্য ।
হাঁহৰ তৰকাৰী
ই অসমৰ পৰম্পৰাগত খাদ্য । আহকচোন, এইবাৰ ইয়াৰ জুতি লওঁ ।
**সামগ্ৰীসমূহ:**
১) টুকুৰা কৰি কটা হাঁহৰ মাংস (হাড় থকা হলে ভাল)
২) সৰিয়হৰ তেল
৩/ পিঁয়াজ
৪) আদা-হালধিৰ পেষ্ট
৫/ সেউজীয়া জলকীয়া
৬) হালধি গুড়ি
৭) জিৰাৰ গুড়ি
৮) ধনীয়াৰ গুড়ি
৯) ৰঙা জলকীয়াৰ গুড়ি
১০) নিমখ
১১) বিলাহী
১২) জহা চাউল (লগত পৰিবেশনৰ বাবে)
**ৰেচিপি:**
১) হাঁহৰ টুকুৰাবোৰ নিমখ আৰু হালধিৰ গুড়িৰে প্ৰায় ৩০ মিনিট মান মেৰিনেট কৰি লওক।
২) কেৰাহীত সৰিয়হৰ তেল গৰম কৰক। তাতে কটা পিঁয়াজখিনি সোণালী বৰণৰ হোৱালৈকে ভাজিব।
৩) আদা-হালধিৰ পেষ্ট আৰু সেউজীয়া জলকীয়া দিব। কেঁচা গোন্ধটো নোহোৱা হোৱালৈকে ভাজিব।
৪) হালধি গুড়ি, জিৰা গুড়ি, ধনীয়া গুড়ি, আৰু ৰঙা জলকীয়াৰ গুৰি দিব। এক মিনিটমান ৰান্ধিব।
৫) তাতে মেৰিনেট কৰা হাঁহৰ মাংসখিনি দি অলপ ব্ৰাউন হোৱালৈকে ভাজিব।
৬) তাৰ পিছত কটা বিলাহীখিনি দিয়ক আৰু গলি যোৱাকৈ সিজাই লওক।
৭) এইবাৰ মাংসখিনি ঢাক খোৱাকৈ পানী দিয়ক ।
৮) ঢাকোন দি কম জুইত মাংসখিনি কোমল হোৱালৈকে আৰু গ্ৰেভি ডাঠ হোৱালৈকে সিজাই লওক।
৯) ৰুচি অনুসৰি মচলাৰ পৰিমান ব্যৱহাৰ কৰক।
১০) জহা চাউলৰ ভাত বা সাধাৰণ ভাতৰ লগত গৰমে গৰমে পৰিবেশন কৰক।
সৰিয়হ তেল আৰু পৰম্পৰাগত অসমীয়া মছলাৰ সোৱাদ মিহলি উৎকৃষ্ট আৰু সুগন্ধি গ্ৰেভিৰ বাবে এই খাদ্য পৰিচিত । আপোনাৰ জিভাও নিশ্চয় এই সোৱাদৰ সৈতে পৰিচিত, নহয়নে ?
“নগা ষ্টাইল চিকেন কাৰি”
উত্তৰ-পূব ভাৰতৰ আন এখন ৰাজ্য নাগালেণ্ডৰ সোৱাদযুক্ত খাদ্য “নগা ষ্টাইল চিকেন কাৰি”ৰ ৰন্ধন প্ৰণালী জানো আহক।
**সামগ্ৰীসমূহ:**
১) টুকুৰা কৰা কুকুৰাৰ মাংস(সোৱাদ বৃদ্ধিৰ বাবে হাড়ৰ সৈতে)
২) নগা জলকীয়া
৩/ নহৰু
৪/ আদা
৫/ পিঁয়াজ
৬) বিলাহী
৭) নিমখ
৮) হালধি গুড়ি
৯) সৰিয়হৰ তেল
১০) পানী
১১) ধনীয়াৰ পাত (গাৰ্নিচৰ বাবে) ৷
**ৰেচিপি:**
১) কুকুৰাৰ টুকুৰাবোৰ নিমখ আৰু হালধি গুড়িৰে ৩০ মিনিটমান মেৰিনেট কৰি লওক।
২) নহৰু আৰু আদা থেতেলিয়াই মোটা পেষ্ট বনাব।
৩) কেৰাহীত সৰিয়হৰ তেল গৰম কৰক। কটা পিঁয়াজ দি অৰ্ধস্বচ্ছ হোৱালৈকে ভাজিব।
৪) তাতে নহৰু-আদাৰ পেষ্ট দি সুগন্ধি হোৱালৈকে ভাজিব।
৫) বিলাহী কাটি কেৰাহীত দিব। কোমল আৰু মিলি যোৱালৈকে সিজাই লওক।
৬) মেৰিনেট কৰা কুকুৰাখিনি কেৰাহীত দি লাহে লাহে লৰাই ভাজিব যেতিয়ালৈকে ব্ৰাউন নহয়।
৭) নগা জলকীয়া থেতেলিয়াই কেৰাহীত দিব। আপোনাৰ ৰুচি অনুসৰি পৰিমাণ নিৰ্ণয় কৰক।
৮) কুকুৰাৰ টুকুৰাবোৰ ঢাক খোৱাকৈ পানী দিয়ক।
৯) ঢাকোন দি কম জুইত ৰাখিব যেতিয়ালৈকে কুকুৰাখিনি ভালদৰে সিজি নাযায় আৰু গ্ৰেভি ডাঠ নহয়।
১০) প্ৰয়োজন হ’লে নিমখ দি চেনিজিং সালসলনি কৰক।
১১) পৰিবেশনৰ আগতে সদ্য কটা ধনীয়া পাত দি সজাই লওক।
১২) ভাত বা পৰম্পৰাগত নগা ৰুটি যেনে পাফড ৰাইচ বা ৰাইচ পেনকেকৰ লগত গৰমে গৰমে পৰিবেশন কৰক।
নগা জলকীয়াৰ সোৱাদেৰে দ্সমৃদ্ধ উগ্ৰ সোৱাদৰ বাবে এই খাদ্য জনাজাত । আপুনিও নিশ্চয় ট্ৰাই কৰি চাব পাৰে ।
